Dende a Asociación Veciñal Fonte do Galo, convidámosvos a participar nos cursos e obradoiros que organizamos como parte dos servizos e actividades que ofrecemos aos nosos socios.

A continuación, detallamos as normas e os procedementos a seguir para participar en cada un deles:

1. Inscrición: Para inscribirse nos cursos ou obradoiros, é necesario cubrir a Folla de Inscrición disponible na entrada. A folla cuberta debe entregarse persoalmente ao responsable da actividade, xunto co teu Carnet de Asociado actualizado.
2. Asignación de Prazas: A cada inscrición asignaraselle un número. As prazas adxudicaranse por rigorosa orde de chegada. Unha vez cuberto, establecerase unha lista de espera e contactarase cos socios cando se produzcan prazas vacantes.
3. Pago das cuotas: Durante os primeiros sete días de cada mes, a cuota correspondente debe aboarse directamente ao instrutor ou instrutora do curso ou obradoiro.
4. Asistencia e Baixas: No caso de non poder pode asistir a unha actividade, é necesario aboar igualmente a cuota mensual, agás que exista unha notificación debidamente xustificada e previa de causa maior. O incumprimento desta norma podería supoñer a perda da praza.
5. Uso de teléfonos móbiles: Prégase que os teléfonos móbiles permanezan apagados ou no modo silencioso durante as actividades para evitar interromper o seu progreso.
6. Horario e duración: As actividades comezarán puntualmente á hora establecida e durarán 55 minutos. No caso de sesións continuas, a duración será de 115 minutos.
7. Contacto de emerxencia: O primeiro día de clase, o profesor ou instrutor tomará nota do número de teléfono do alumno para facilitar a comunicación en casos urxentes ou importantes.

Estas normas están deseñadas para garantir o bo desenvolvemento das actividades e  unha experiencia satisfactoria para todos os participantes.